Сіз ондаған кітаптарды оқып шықтыңыз, бүкіл Интернетті шарладыңыз және дәрігерге көптеген сұрақтар қойдыңыз. Ана болу әрі қызық әрі қорқынышты. Ана болу сізге тағы бір тосынсый сыйлайды, бірақ біз жас аналарға арнап сәбидің дүниеге келуіне дайындық үшін пайдалы кеңестер дайындап қойдық.
1. Балалар шаршаған кезде, әркез ұйықтай бермейді
Бұл қисынға келмейтін сияқты болып көрінуі мүмкін, алайда шаршаған сәби үнемі оп-оңай ұйықтай қоймайды, сәби мазасызданып, қиындықпен тынышталады. Баланың бойынан шаршау белгілерін көре біліп, ол кірпияздылыққа алынғанға дейін, оны кереуетке жатқызу керек. Жұмылған жұдырық, есінеу, көзін уқалау, ыңғайсыз қимылдар немесе өз құлағын өзі тарту осындай белгілерге жатуы мүмкін. Сәби өсе келе өз бетінше тынышталуға және тезірек ұйықтап қалуға үйренеді.
2. Микробтардан абайлаңыз
Микробтардың кішігірім әсері баланың иммунитетін нығайтуы мүмкін екендігіне қарамай, оны зарарлану қаупіне ұшыратуға болмайды. Базалық гигиенаны сақтаңыз, баланы қолына алып көтерген адамдардың қолдарын сабындап жуғанын қадағалаңыз. Ауырып қалған достарыңыз бен туыстарыңыздың сәбиге қол созым жерде жақындап келуіне мұрша бермеңіз, үйде тұрақты зарарсыздандыру жүргізіңіз. Кейбір микробтардан құтылуға болады, алайда, қалай болмасын, сіз осы бір қарапайым сақтық шараларын қолдана аласыз.
3. Баланы тыныштандыру үшін, бірнеше тәсілді үйреніп алыңыз
Сәбилердің барлығы алуан түрлі, олардың бәріне түрлі заттар ұнайды, алайда жеңіл уқалау баланың мазасы кеткенде, оны тыныштандыруға көмектеседі. Алақаныңызға аздап лосьон салып қыздырыңыз, сәбидің маңдайын, мұрынның айналасын, жақты және иекті уқалай бастап, мойын аумағымен аяқтаңыз. Баланы тыныштандырудың тағы бір тәсілі — үй шаруасымен шұғылданған кезіңізде, сәбиді өз денеңізге жуысып тұрған слингте көтеріп жүру.
Барлық жас аналар мазасызданады, бірақ есіңізде болсын, сіздің түйсіктеріңіз сіздің адал көмекшіңіз болуы мүмкін. Сіздің алдыңызда жаңа міндет тұрған сайын, тәжірибе сенімділікке ие болуға көмектеседі.